|
Mánudagur 06.06.2005
Vefsetur Kröflulyftu er komið í sumarfrí. Vefmyndavél og veðurstöð verða vonandi í gangi í sumar en það er undir öðrum komið en vefritara.
Laugardagur 30.04.2005
Guffaleikarnir fóru fram sunnudaginn 24. apríl 2005 í blíðskaparveðri. Þrátt fyrir mjög takmarkaðan snjó var góð mæting og mótið heppnaðist vel. Svo lítill var snjórinn að það þurfti að draga þátttakendur upp á troðara þar sem alveg var orðið autt undir lyftunni. Ásamt heimafólki tóku þátt gestir frá ýmsum stöðum, m.a. Ólafsfirði. Að mótinu loknu var öllum þátttakendum boðið upp á súkkulaðikex og ávaxtasafa og síðan í Baðlónið.
Kveðja
Formaður Mývetnings
Karl E. Sveinsson.
Myndum af verðlaunahöfum og frá brautarskoðun hefur verið komið fyrir. Til að rifja upp hvernig aðstæður voru fyrr í vetur eru einnig tvær myndir sem teknar voru 22. janúar 2005.
Mánudagur 18.04.2005
Andrésar Andarleikarnir hefjast á fimmtudaginn, sumardaginn fyrsta með hefðbundinni dagskrá.
Ef einhverjir luma á góðum/skemmtilegum ljósmyndum frá vetrarstarfinu væri vel þegið að fá send eintök til birtingar (gjarnan ekki stærri en 640x480 punktar).
Þriðjudagur 05.04.2005
Úrslit héraðsmóta HSÞ í svigi og stórsvigi sem haldin voru á laugardag fyrir páska eru loksins komin á sinn stað.
Ef einhverjir luma á góðum/skemmtilegum ljósmyndum frá vetrarstarfinu væri vel þegið að fá send eintök til birtingar (gjarnan ekki stærri en 640x480 punktar).
Þriðjudagur 29.03.2005
Þá eru páskar afstaðnir með sínu yndislega útivistarveðri, þótt skíðafólki þyki ganga heldur hratt á snjóinn þessa dagana. Héraðsmót HSÞ í svigi og stórsvigi var haldið á laugardag fyrir páska. Úrslit verða birt um leið og vefritari finnur sér tíma til að matreiða Excel-skjalið fyrir vefinn.
Ef einhverjir luma á góðum/skemmtilegum ljósmyndum frá vetrarstarfinu væri vel þegið að fá send eintök til birtingar (gjarnan ekki stærri en 640x480 punktar).
Miðvikudagur 23.03.2005
Sunnudagar næstu 5 daga
Frá og með fimmtudegi 24.03.05 (skírdagur) til og með mánudegi 28.03.05 (annar í páskum) verður opið (og æft) eins og á sunnudegi. Undantekning frá þessu er á laugardaginn 26.03.05 en þá er (HS og Þ) mót í stórsvigi eins og sjá má hér að neðan.
Laugardagur 19.03.2005
Héraðsmót á skíðum
(Eða HS og Þ eins og einhver valdi að segja...)
Laugardag 26.03.05, Stórsvig
Brautarskoðun kl: 11:00, keppni hefst kl: 11:30.
Skráningar óskast sendar í síðasta lagi miðvikudag 23.03.05 á karle@nett.is
Föstudag 01.04.05, Svig
Brautarskoðun kl: 16:30, keppni hefst kl: 17:00.
Skráningar óskast sendar í síðasta lagi miðvikudag 31.03.05 á karle@nett.is
Dagskrá getur breyst fyrirvaralítið og verða allar nánari upplýsingar hér á þessari síðu.
Stefnt er að því að halda Guffaleikana á bilinu 6.-10. apríl en það verður að ráðast af veðri og snjóalögum.
Kveðja
Formaður Mývetnings
Karl E. Sveinsson
karle@nett.is
856 1158.
Fimmtudagur 17.03.2005
Athugið örlitla breytingu á foreldravakt í apríl þar sem vöktum í eldri hóp er víxlað 17. og 21.
Ný keppnisgrein
Á vélsleðamóti sem fram fór við skíðasvæðið um síðustu helgi kepptu fáeinir áhorfendur í nýrri grein. Keppt var um hver gæti gert sig að mestu fífli með því að aka bifreið um skíðabrekkurnar okkar. Er skemmst frá því að segja að allir þátttakendur urðu sér til háborinnar skammar og kunnum við þeim engar þakkir fyrir tiltækið.
Miðvikudagur 09.03.2005
Foreldravakt fyrir apríl er komin á sinn stað.
Góumót Hauka
Mótið fór fram í Bláfjöllum um síðustu helgi. Miðað við úrslitin á vefsíðu skíðadeildar Hauka verður ekki annað séð en að Mývetningar hafi staðið sig með prýði.
Miðvikudagur 23.02.2005
Foreldravakt fyrir mars er komin á sinn stað.
Góumót Hauka
Mótið hefur verið fært aftur um eina viku og verður haldið helgina 5. og 6. mars. Áfram er stefnt á að halda mótið í Bláfjöllum en til vara í Tindastóli.
Við ætlum að fara á mótið og reiknað er með þátttöku allra þeirra sem æfa reglulega nema sérstaklega sé látið vita um forföll.
Það verður leikjabraut fyrir 8 ára og yngri (fædd 1996 og síðar) en keppt verður í svigi og stórsvigi í eftirfarandi aldursflokkum:
9 - 10 ára (fædd 1995 og 1994)
11 - 12 ára (fædd 1993 og 1992)
13 - 14 ára (fædd 1991 og 1990)
Öldungar (fæddir snemma á síðustu öld)
Keppnisgjald verður kr. 500 fyrir hvern þátttakanda.
Þriðjudagur 15.02.2005
Nú er ný og betri vefmyndavél komin í gang, auk veðurupplýsinganna. Reyndar eru dálitlar truflanir á netsambandinu en það rætist vonandi úr því.
Mánudagur 07.02.2005
Þá er loksins búið að leysa tengivandamál vegna veðurforritsins. Veðurupplýsingar uppfærast því eins og við vorum orðin vön í fyrra.
Góumót Hauka
Okkur hefur borist boð um að taka þátt í Góumóti skíðadeildar Hauka sem haldið verður helgina 26. og 27. febrúar. Stefnt er á að halda mótið í Bláfjöllum en til vara í Tindastóli.
Við ætlum að fara á mótið og reiknað er með þátttöku allra þeirra sem æfa reglulega nema sérstaklega sé látið vita um forföll.
Það verður leikjabraut fyrir 8 ára og yngri (fædd 1996 og síðar) en keppt verður í svigi og stórsvigi í eftirfarandi aldursflokkum:
9 - 10 ára (fædd 1995 og 1994)
11 - 12 ára (fædd 1993 og 1992)
13 - 14 ára (fædd 1991 og 1990)
Öldungar (fæddir snemma á síðustu öld)
Keppnisgjald verður kr. 500 fyrir hvern þátttakanda.
Mánudagur 31.01.2005
Foreldrafundur vegna gallakaupa verður haldinn í íþróttahúsinu miðvikudaginn 2. febrúar 2005 kl. 17:00.
Góumót Hauka
Okkur hefur borist boð um að taka þátt í Góumóti skíðadeildar Hauka sem haldið verður helgina 26. og 27. febrúar. Stefnt er á að halda mótið í Bláfjöllum en til vara í Tindastóli.
Það verður leikjabraut fyrir 8 ára og yngri (fædd 1996 og síðar) en keppt verður í svigi og stórsvigi í eftirfarandi aldursflokkum:
9 - 10 ára (fædd 1995 og 1994)
11 - 12 ára (fædd 1993 og 1992)
13 - 14 ára (fædd 1991 og 1990)
Öldungar (fæddir snemma á síðustu öld)
Keppnisgjöld verða kr. 500 á barn.
Fimmtudagur 27.01.2005
Nú er foreldravaktin fyrir febrúar komin inn. Það væri vel þegið ef þeir sem fylgjast með sínum vöktum láti aðra þá vita sem hugsanlega hafa ekki áttað sig á sínum vöktum. Það sama gildir og áður að þeir sem ekki geta sinnt sinni vakt eru beðnir að skipta við einhvern annan.
Örlítil breyting hefur verið gerð á stundaskránni á þriðjudögum. Héðan í frá verður ekkert hlé á milli æfinga og eldri hópurinn verður þess vegna kl. 18:30 - 20:00.
Þriðjudagur 18.01.2005
Þá er loksins komin fyrsta útgáfa foreldravaktarinnar. Febrúar verður settur inn á næstu dögum. Þeir sem ekki geta sinnt sinni vakt eru beðnir um að reyna að skipta við einhvern annan.
Miðvikudagur 12.01.2005
Þá er stundaskrá skíðaæfinga á vorönn 2005 komin á sinn stað og foreldravaktin er í vinnslu. Stundaskrá æfinga í íþróttahúsi hefur einnig verið uppfærð.
Sunnudagur 09.01.2005
Skíðadeild Mývetnings efnir til foreldrafundar í Íþróttahúsinu mánudaginn 10. janúar 2005 kl. 18:00.
Foreldrar þeirra barna sem hyggjast stunda skíðaæfingar eru hvattir til að mæta.
Uppfærð stundaskrá vetrarins verður komin hér inn áður en langt um líður.
Föstudagur 19.11.2004
Eins og gestir hafa líklega tekið eftir hafa veðurstöð og vefmyndavél ekki enn komist af stað. Ekki er ljóst hvort af því verður í bráð en við vonum það besta.
Laugardagur 04.09.2004
Æfingar að hefjast
Þá er farið að sjá fyrir endann á góðu sumri og ekki eftir neinu að bíða með að taka upp þráðinn þaðan sem frá var horfið í vor og hefja æfingar.
Auk stundaskrár fyrir línuskauta- og skíðaæfingar hefur nú verið bætt við fótbolta og körfubolta. Frjálsum íþróttum verða gerð skil þegar þar að kemur.
Þetta er vonandi vísir að því að vefsetur fyrir allt félagið verði að veruleika og þá væntanlega á nýrri vefslóð.
Veðurstöð og vefmyndavél ættu að komast af stað aftur á næstu dögum.
Tilraunir standa yfir með örlitlar breytingar á uppbyggingu vefsetursins sem miða að því að einfalda notkun. Þessum tilraunum er ekki lokið og allar ábendingar eru vel þegnar.
Þriðjudagur 03.08.2004
Sumarfrí
Vefsetrið er ennþá í sumarfríi en rétt er að taka fram að frekari línuskautaæfingum er hér með frestað til hausts.
Að auki má benda á að rekstrartruflanir á veðurstöð og vefmyndavél stafa af rafmangsleysi.
Staðkunnugur benti á að svo virtist sem virkjunin væri aðeins á hálfum afköstum þessa dagana og þess vegna ekki orka til skiptanna fyrir orkufrekan iðnað í lyftuskúrnum.
Vefritari telur þó líklegra að rafmangsleysið tengist því að klósettskúrinn brá undir sig betri fætinum og skellti sér á útihátíð um helgina.
|
